Qazaqstannyń basym aýmaǵynda aıazdar saqtalady - 27 qańtardaǵy aýa raıy boljamy
ASTANA. 26 qańtar. QazAqparat - Erteń, 27 qańtar kúni Qazaqstannyń basym aýmaǵynda aıazdar saqtalady, dep habarlaıdy «Qazgıdromet».
Atmosferalyq aǵymdardyń ótýine baılanysty Qazaqstannyń kóptegen aımaqtarynda aýa raıy qubylmaly bolady, respýblıkanyń soltústigine sýyq antıtsıklonnyń yqpaly jalǵasady.
Atap aıtqanda, Aqmola, Almaty, Qostanaı, Soltústik Qazaqstan, Jambyl, Qaraǵandy, Ońtústik Qazaqstan oblystarynyń keı jerlerinde tuman kútilýde.
Jambyl oblysynda túnde jeldiń ekpini 15-22 m/s-qa deıin kúsheıip, tuman túsýi yqtımal.
Atyraý, Aqtóbe, Shyǵys Qazaqstan oblystarynyń keı jerlerinde jaıaý burqasyn bolady, kúshi 15-20 m/s jyldamdyqpen jel soǵady. Atyraý oblysynyń keı aımaqtarynda, sondaı-aq tuman kútiledi.
Mańǵystaý oblysynyń keı jerlerinde kóktaıǵaq bolady.
Batys Qazaqstan oblysynyń keı jerlerinde jeldiń kúshi 15-20 m/s-qa deıin kúsheıedi.
Almaty jáne Mańǵystaý oblystarynyń keı jerlerinde qatty aıazdar saqtalady.
