Qazaqstannyń basym aýmaǵynda aýa raıy turaqsyz - jańbyr jaýyp, naıǵazaı oınap, jel kúsheıedi dep kútilýde - 1 maýsymǵa arnalǵan aýa raıy boljamy
ASTANA. 31 mamyr. QazAqparat - Qazaqstannyń basym aýmaǵynda aýa raıy turaqsyz bolady. Osyǵan baılanysty ótkinshi jańbyr jaýyp, naızaǵaı oınap, jel kúsheıedi. Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Respýblıkanyń ońtústiginde, ońtústik-shyǵysynda kún raıy ashyq ári ystyq bolady dep kútilýde. Atyraý, kúndiz Almaty, Shyǵys Qazaqstan oblystarynyń jekelegen jerlerinde 15-20 m/s jyldamdyqpen jel soǵady. Qyzylorda oblysynda tótenshe joǵary órt qaýpi saqtalady.
Aldaǵy táýlikterde yqtımal jaýyn-shashynǵa baılanysty respýblıkanyń ońtústik, ońtústik-shyǵys jáne shyǵys taýly ózenderinde sý deńgeıiniń artýy baıqalady, Almaty oblysynyń jekelegen taýly ózenderinde sý tasqyny oryn alýy múmkin.
