Qazaqstannyń basym aýmaǵynda aýa raıy turaqsyz bolady dep kútilýde - 22 aqpanǵa arnalǵan aýa raıy boljamy
ASTANA. 21 aqpan. QazAqparat - Qazaqstannyń basym aýmaǵynda aýa raıy turaqsyz bolady dep kútilýde. Bul týraly Qazgıdrometke silteme jasaı otyryp QR TJM-niń baspasóz qyzmeti habarlady. Keı jerlerde jaýyn-shashyn jaýady dep kútilýde, tuman túsip, kóktaıǵaq ornap, jel kúsheıedi, respýblıkanyń soltústigi men shyǵysynda qarly burqasyn aralas jel soǵady.
Almaty oblysynda tuman túsedi, kóktaıǵaq ornap, túnde Jalańashkól aýmaǵynda 18-23 m/s jyldamdyqpen jel soǵady.
Shyǵys Qazaqstan, Pavlodar, kúndiz Aqmola oblystarynda keı jerlerde qarly burqasyn aralas jeldiń ekpini 15-20 m/s-qa jetedi.
Jambyl, Qostanaı oblystarynda keı jerlerde tuman túsedi, kúndiz 15-20 m/s jyldamdyqpen jel soǵady, Jambyl oblysynda kóktaıǵaq bolady.
Ońtústik Qazaqstan, Mańǵystaý, Atyraý, Aqtóbe, Qaraǵandy oblystarynda túnde jáne tańerteń tuman túsedi.
Aldaǵy táýlikterde respýblıkanyń ońtústik, ońtústik-shyǵys jáne shyǵysyndaǵy jekelegen ózenderde sý deńgeıiniń aýytqýshylyǵy saqtalady.
