Qazaqstannyń basym aýmaǵynda aýa raıy turaqsyz bolady - 7 aqpanǵa arnalǵan aýa raıy boljamy
ASTANA. 6 aqpan. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, erteń Qazaqstannyń túgel derlik aýmaǵy atmosferalyq aǵymdardyń yqpalynda bolady.
Aýa raıynyń turaqsyz sıpaty saqtalady, qar jaýyp, keı jerlerde qarly burqasynmen jel soǵady, tuman túsip, jekelegen aýdandarda kóktaıǵaq ornaıdy, tek respýblıkanyń ońtústik jáne batys aýmaǵynda aýa raıy jaýyn-shashynsyz bolady dep kútilýde.
Aqmola, Qostanaı, Soltústik Qazaqstan, kúndiz Pavlodar, Shyǵys Qazaqstan oblystarynda keı jerlerde qarly burqasyn aralas jel soǵady, Qostanaı, túnde Aqmola, túnde jáne tańerteń Shyǵys Qazaqstan oblystarynda tuman túsedi dep kútilýde.
Jambyl, Mańǵystaý, Atyraý oblystarynda keı jerlerde tuman túsedi, kóktaıǵaq ornap, 15-22 m/s jyldamdyqpen jel soǵady.
Ońtústik Qazaqstan, Qyzylorda, Batys Qazaqstan, Aqtóbe oblystarynda keı jerlerde tuman túsedi.
Qaraǵandy oblysynda túnde keı jerlerde tuman túsedi, kúndiz 18 m/s jyldamdyqpen jel soǵady.
Almaty oblysynda tuman túsedi, Jalańashkól aýdanynda 17-22 m/s jyldamdyqpen jel soǵyp, keıde onyń ekpini 27 m/s-qa jetedi.
