Qazaqstannyń basym aýmaǵynda aýa aǵyndarynyń júrýinen jańbyr jaýady, naızaǵaı oınaıdy, ekpindete jel soǵady
TANA. 20 tamyz. QazAqparat - Qazaqstannyń basym aýmaǵynda aýa aǵyndarynyń júrýinen keı jerlerde jańbyr jaýady, naızaǵaı oınaıdy, ekpindete jel soǵady, dep habarlady QR TJM baspasóz qyzmeti Qazgıdromet málimetterine silteme jasap.
Jambyl, Atyraý, Batys Qazaqstan, Pavlodar, Qaraǵandy, túnde Aqmola, Qyzylorda oblystarynda jel ekpini sekýndyna 15-20 metrge jetedi dep kútilýde. Shyǵys Qazaqstan oblysynda jel qýaty sekýndyna 17-22, keı jerlerde 28 metrge deıin jetýi múmkin. Ońtústik Qazaqstan, Almaty oblystarynyń da keı jerlerinde jel jyldamdyǵy sekýndyna 15-20 metrge jetip, túnde shań boraıdy. Soltústik Qazaqstan oblysynyń keıbir aýdanyn túnde tuman basady.
Almaty oblysynda aptap ystyq bolady dep kútilýde. Respýblıkanyń ońtústiginde, Aqtóbe, Almaty, Qaraǵandy oblystarynyń basym bóliginde, Atyraý oblysynyń keı jerlerinde óte joǵary órt qaýpi saqtalady.
Taıaýdaǵy úsh táýlikte respýblıkanyń ońtústik, ońtústik-shyǵys jáne shyǵys taý ózenderinde sý deńgeıiniń aýytqýy baıqalady. 21 tamyzda nóser jańbyr jaýýy múmkin degen boljamǵa sáıkes Almaty oblysynyń taý ózenderinde qysqa merzimdi sý tasqyny oryn alýy múmkin.
