Qazaqstannyń basym aýmaǵyna antıtsıklon taralyp, aýa raıy jaýyn-shashynsyz bolady
TANA. 9 tamyz. QazAqparat - Qazaqstannyń basym aýmaǵyna antıtsıklon taralyp, aýa raıy jaýyn-shashynsyz bolady. Al respýblıkanyń shyǵys jáne ońtústik-shyǵys bóliginde aýa aǵyndarynyń júrýine baılanysty jańbyr jaýyp, naızaǵaı oınaıdy, ekpindete jel soǵady,
dep habarlady QR TJM baspasóz qyzmeti Qazgıdromet málimetterine silteme jasap.
Shyǵys Qazaqstan, Jambyl, kúndiz Almaty oblystarynyń keı jerlerinde ekpini sekýndyna 15-22 metrge jetetin jel soǵady. Atyraý, Batys Qazaqstan, Aqtóbe, Qaraǵandy oblystarynyń keı jerlerinde aptap ystyq bolady.
Respýblıkanyń ońtústigi men ońtústik-shyǵysynda jáne Aqtóbe, Qaraǵandy oblystarynyń ońtústiginde óte joǵary órt qaýpi saqtalady.
Taıaý táýlikte respýblıkanyń ońtústik, ońtústik-shyǵys jáne shyǵystaǵy taý ózenderinde sý deńgeıiniń aýytqýy baıqalady.
