Qazaqstannyń basym aýmaǵyn tuman basatyndyǵy boljanýda
ANA. 25 jeltoqsan. QazAqparat - Qazaqstan aýmaǵynyń basym bóligindegi aýa raıyna atmosferalyq frontaldy aǵyndar áser etedi, dep habarlaıdy Qazgıdromet.
Shyǵys Qazaqstan oblysynda boran soǵyp, keı jerlerinde jel qýaty sekýndyna 17-22 metrden 25-28 metrge deıin jetetindigi boljanýda. Pavlodar, sonymen qatar túnde Qaraǵandy oblysynda da boran soǵyp, jel jyldamdyǵy sekýndyna 15-20 metrge jetpek.
Almaty, Ońtústik Qazaqstan, Aqtóbe, kúndiz Batys Qazaqstan oblysynyń keı jerlerinde tuman túsip, jel ekpini 15-20 metrge, al Almaty oblysynyń Jalańashkól aýdanynda 28 metrge jetetindigi boljanyp otyr.
Jambyl, Mańǵystaý, Atyraý, Soltústik Qazaqstan, túnde Qostanaı oblystarynyń keı jerlerinde tuman tússe, Qyzylorda oblysynda kóktaıǵaq bolmaq.
Sondaı-aq meteorologtar taıaýdaǵy úsh táýlikte elimizdiń sý nysandarynyń basym bóliginde muz qatý úrdisi kúsheıe túsetindigin, al jekelegen ózenderde, onyń ishinde Syrdarııa men Ertiste sý deńgeıiniń kóterilý múmkindigin habarlaıdy.
