Qazaqstannyń basym aýmaǵy antıtsıklonnyń yqpalynda bolyp, aýa raıy jaýyn-shashynsyz bolady dep kútilýde - 21 naýryzǵa arnalǵan aýa raıy boljamy
ASTANA. 23 aqpan. QazAqparat - Qazgıdromet daýyldy eskertedi: 21-26 naýryz aralyǵynda kúnniń jylynýy men qar erýiniń saldarynan Ońtústik Qazaqstan, Jambyl, Almaty, Batys Qazaqstan jáne Atyraý oblystarynda sý basý jaǵdaılary oryn alýy múmkin.
Bul týraly QR TJM-niń baspasóz qyzmeti habarlady.
Qazaqstannyń basym aýmaǵyantıtsıklonnyń yqpalynda bolyp, aýa raıy jaýyn-shashynsyz bolady dep kútilýde. Jekelegen aýdandarda tuman túsedi. Respýblıkanyń batys aýmaǵynda ǵana atmosferalyq aǵymdardyń ótýine baılanysty aýa raıy turaqsyzdyq tanytady dep kútilýde.
Aqmola, Soltústik Qazaqstan oblystarynyń jekelegen jerlerinde 15-20 m/s jyldamdyqpen jel soǵyp, tuman túsýi yqtımal. Qostanaı oblysynyń keı jerlerinde kóktaıǵaq, qarly burqasyn bolady, 15-20 m/s jyldamdyqpen jel soǵyp, jekelegen jerlerde jeldiń ekpini 25m/s jetedi.
Pavlodar, Shyǵys Qazaqstan oblystarynyń keı jerlerinde qarly burqasyn bolyp, 15-20 m/s jyldamdyqpen jel soǵady.
Atyraý, Batys Qazaqstan jáne Aqtóbe oblystarynyń jekelegen jerlerinde tuman, kóktaıǵaq oryn alyp, 15-20 m/s jyldamdyqpen jel soǵýy yqtımal.
Almaty, Jambyl, Ońtústik Qazaqstan, Qyzylorda jáne Mańǵystaý oblystarynyń keı jerlerinde tuman bolady dep kútilýde.
Qaraǵandy oblysynyń keı jerlerinde tuman, qarly burqasyn bolyp, 15-20 m/s jyldamdyqpen jel soǵady.
21-26 naýryz aralyǵynda Syrdarııa, Shý, Іle, Qaratal, Lepsi ózenderinde, Shyǵys Qazaqstan oblysynyń jekelegen shaǵyn ózenderinde muz erip, sý deńgeıiniń aýytqýy baıqalady. Ońtústik Qazaqstan, Jambyl oblysynda, Almaty oblysynyń taýly aımaǵynda aýa raıynyń jylynýyna baılanysty qar erip, sý deńgeıiniń kóterilýi múmkin.
