Qazaqstannyń basym aýmaǵy antıtsıklonnyń yqpalynda bolady - 24 aqpanǵa arnalǵan aýa raıy
ASTANA. 23 aqpan. QazAqparat - Qazaqstannyń basym aýmaǵy antıtsıklonnyń yqpalynda bolady. Respýblıkanyń batysynda atmosferalyq aǵymdardyń ótýine baılanysty qar jaýyp, kúndiz jel kúsheıedi,
jekelegen aýdandarda tuman bolady dep kútilýde. Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Mańǵystaý jáne Atyraý oblystarynyń keı jerlerinde 15-20 m/s jyldamdyqpen jel soǵyp, tuman bolady dep kútilýde. Kúndiz Batys Qazaqstan oblysynda 15-20 m/s jyldamdyqpen jel soǵady. Aqmola, Jambyl, Qyzylorda, Aqtóbe, Qyzylorda jáne Soltústik Qazaqstan oblystarynyń jekelegen jerlerinde tuman bolady dep kútilýde.
Aldaǵy ýaqytta Arys ózeni men Sháýildir sý qoımasynyń aýdanynda sý deńgeıi artady. Syrdarııa ózeni men Kóktóbe sý qoımasynyń aýdanynda Arys ózeni boıynsha keletin sýdyń saldarynan sý basý jaǵdaılary bolýy yqtımal. 24-25 aqpanda Shardara sý qoımasyna sekýndyna 1470 tekshe metr sý keledi dep kútilýde. Jambyl, Almaty jáne Shyǵys Qazaqstan oblystaryndaǵy ózenderdiń deninde muz qatý protsesterine baılanysty sý deńgeıleriniń aýytqýy baıqalady.
