Qazaqstannyń basketboldan jasóspirimder komandasy Azııa chempıonatyna joldama aldy
ASTANA. QazAqparat - Ózbekstannyń Naýaı qalasynda Azııa chempıonatyna jalǵyz joldama oınalǵan kásibı jarystar ótti. Bizdiń basketbolshylarymyzdyń qarsylas komandalary retinde Túrkimenstan sportshylary men alań ıeleri shyqty. Bas jattyqtyrýshy Alekseı Eropkınniń qaramaǵyndaǵy oıynshylar kezekti ret ózderiniń basymdyǵyn tanytyp, eki oıyndy da senimdi ótkizdi.
Birinshi oıynda bizdiń qurama Túrkimenstan quramasyn 76:50 esebimen utty. Negizgi oıyn ózbek komandasymen boldy, bul jerde joldamanyń qaı komandaǵa beriletini sheshildi, dep jazady Sports.kz .
Qazaqstan quramasy parkettiń ıelerimen bolǵan kezdesýde 28 upaı aıyrmashylyqty kórsetip, qarsylastaryn 72:44 esebimen jeńdi.
Qazaqstan quramasy qazan aıynda Indonezııada ótetin Azııa chempıonatyna qatysady. Chempıonatqa daıyndyq shildeniń ortasynda bastalmaq.
