Qazaqstannyń basketboldan áıelder quramasy Azııa kýbogynda kúmiske qol jetkizdi
NUR-SULTAN. QazAqparat - Qytaıdyń Chansha qalasynda 3h3 basketboldan Azııa kýbogy aıaqtaldy. Jarys qorytyndysy boıynsha Qazaqstan áıelder komandasy kúmis medal enshiledi, dep habarlaıdy QazAqparat Olympic.kz silteme jasap.
Qazaqstan komandasy aqtyq synda Aýstralııaǵa 21:9 esebimen jol berip, kúmisti qanaǵat tutty.
Qurlyq kýbogynyń qola júldesin Japonııa quramasy ıelengen. Jartylaı fınalda Qazaqstan quramasy japondardan basym túsken bolatyn.
Ókinishke qaraı, erler quramasy qola medal úshin ótken kezdesýde jeńildi. Olar jarys qojaıyny sanalatyn Qytaı komandasyna 11:14 esebimen jol berdi.
