Qazaqstannyń basketbol quramasy Shrı-Lanka komandasyn oısyrata jeńdi
NUR-SULTAN. QazAqparat – Basketboldan Qazaqstannyń erler quramasy 2021 jylǵy Azııa Kýbogynyń irikteýin matchynda aıqyn basymdyqpen jeńiske jetti, dep habarlaıdy QazAqparat Sports.kz portalyna silteme jasap.
Qazaqstandyq basketbolshylar 111:52 (28:13, 25:16, 31:11, 27:12) esebimen Shrı-Lanka quramasynyń tas-talqanyn shyǵardy. Osy jeńistiń arqasynda Qazaqstan bes upaımen F tobynyń týrnır kestesinde birinshi orynǵa kóterildi. Buǵan deıin Qazaqstan quramasy Palestınany jeńip (79:76), Iordanııaǵa jol bergen (68:71) bolatyn. Bul matchtar bir jyl buryn ótti.
Qazirgi ýaqytta komandalardyń toptaǵy orny mynadaı: Qazaqstan – 5 upaı (2 match), Iordanııa -4 (2), Palestına — 3 (2), Shrı-Lanka — 3 (3). Kelesi oıyndy Qazaqstan quramasy búgin, 19 aqpanda, Palestına komandasyna qarsy ótkizedi.
