Qazaqstannyń, basqalardan buryn, halyqaralyq deńgeıde ıadrolyq qarýǵa qarsy jobalardy usynýyna moraldyq quqy bar
ASTANA. Sáýirdiń 3-i. QazAqparat - Kezinde kóp jylǵy ıadrolyq synaqtardyń sumdyq zardabyn basynan keshken Qazaqstannyń bárinen buryn halyqaralyq deńgeıde ıadrolyq qarýǵa qarsy jobalardy usynýyna jáne ıadrolyq qaýipsizdik máselelerin syndarly sheshýge qoldaý kórsetýge moraldyq quqy bar.
Belgili bolǵanyndaı, jarty ǵasyr boıy Qazaqstan aýmaǵynda 456 ıadrolyq jáne termoıadrolyq jarylystar júzege asqan, al ıadrolyq zarıadtardyń jalpy qýaty 1945-inshi jyly Hırosımany qıratqan atom bombasynyń qýatynan 2,5 myń ese asyp túsken. Qazaqstanda ótkizilgen jarty ǵasyrǵa jýyq kezeńdegi ıadrolyq synaqtar halyqtyń densaýlyǵy men qorshaǵan ortaǵa orasan zor zalalyn tıgizgen. Mamandardyń baǵalaýynsha, jer qyrtysy óziniń ónim óse alardaı kúshin qaıta qalpyna keltirýi úshin, joq degende, 300 jyldaı ýaqyt qajet eken.
Vashıngtondaǵy ıadrolyq qaýipsizdikke qarsy sáýir sammıti qarsańynda Elbasynyń «Alyp aýqymdy álem jáne ıadrolyq qaýipsizdik» degen taqyrypta jarııalanǵan jańa maqalasy Qazaqstan Respýblıkasynyń ıadrolyq qarýdy taratpaý jáne ıadrosyz álem qurý ustanymdaryna asa múddeli jáne ony qatań ustanatynynyń taǵy bir aıǵaǵyna aınalyp otyr.
ıAdrolyq qaýipsizdik jónindegi jahandyq sammıt Vashıngtonda (AQSh) 2010 jylǵy sáýirdiń 12-si 13-i kúnderi ótedi. Sammıtke qatysýǵa Amerıka taraby 43 eldiń ókilderine shaqyrý jibergen.
