Qazaqstannyń bas ustazy barsha muǵalimderdi merekelerimen quttyqtady
ASTANA. Qyrkúıektiń 28-i. QazAqparat /Jasulan Amanbaıuly/ - Búgin Astanada muǵalimder kúni merekesi qarsańynda Kongress Holl saraıynda Bilim jáne ǵylym mınıstri Baqytjan Jumaǵulovtyń qatysýymen «Júrek qalaýy» atty saltanatty kesh ótti.
Qazannyń alǵashqy jeksenbisinde barsha qazaqstandyq ustazdar ózderiniń kásibı merekelerin toılaıdy.
Soǵan oraı, kesh barysynda Qazaqstannyń bas ustazy - Bilim jáne ǵylym mınıstri B.Jumaǵulov barsha muǵalimder men oqytýshylardy quttyqtap, erekshe kózge túsken pedagogtarǵa «Bilim salasynyń qurmetti qyzmetkeri» jáne «Ybyraı Altynsarın» belgilerin tabys etti.
«Tárbıede ata-anadan keıingi, aqyl-oı, adamgershilik, ádeptilik, ar-uıat, ulttyq sana-sezim qundylyqtaryn sińdirýshi - ustaz qaýym», degen mınıstr, árbir adam bilimge degen joldaǵy ómirlik daǵdylardy ıemdengen alǵashqy qadamy úshin ustazdaryna qaryzdar ekendigin atap kórsetti.
«Ulttyń bolashaǵy - urpaǵynda bolsa, urpaqtyń tárbıesi - ustazdardyń qolynda. Elbasymyz Nursultan Ábishuly Nazarbaev bilim berý - básekege qabiletti memleketti qalyptastyrýdyń basty sharttarynyń biri retinde belgilep, mańyzdylyǵyna basty nazar aýdarýda», dedi B. Jumaǵulov.
«Sizderge jemisti eńbek pen zor densaýlyq, shyǵarmashylyq tabys pen otbasylaryńa amandyq tileýge ruqsat etińizder», dedi sóz sońynda eldiń bas ustazy B. Jumaǵulov.
Pedagogıkalyq eńbek ardagerleri men basqa da qurmetti qonaqtar shaqyrylǵan kesh merekelik kontsertke ulasty.
Muǵalimder kúni - bul bilim salasy qyzmetkerleriniń kásibı meıramy. Ol 1994 jyly ıÝNESKO-men bekitilgen.
