Qazaqstannyń Bas múftıi eldiń pravoslav hrıstıandaryn Pasha meıramymen quttyqtady
ASTANA. 14 sáýir. QazAqparat - Pasha meıramy qarsańynda Qazaqstan musylmandary Dinı basqarmasynyń tóraǵasy, Qazaqstan Respýblıkasynyń Bas múftıi sheıh Ábsattar qajy Derbisáli Astana jáne Qazaqstan mıtropolıti Aleksandrdyń atyna quttyqtaý joldady.
«Qazaqstan musylmandary Dinı basqarmasynyń atynan jáne jeke óz atymnan Sizdi, sondaı-aq barlyq qazaqstandyq pravoslavtardy hrıstıandardyń úlken merekesi - Pasqa meıramymen qutyqtaımyn», delingen Musylmandar Dinı Basqarmasy tóraǵasynyń qutyqtaýynda.
Bas múftı sondaı-aq «Qazaqstan jerinde konfessııaaralyq jáne mádenıetaralyq qatynastar, elimizde beıbit qatar ómir súrip otyrǵan barlyq dástúrli dinder ókilderiniń arasynda jyly shyraıly jáne shyn júrekten shyqqan baıanystar ornaǵan», dep atap ótti. Sondaı-aq Musylmandar Dinı basqarmasynyń tóraǵasy pravoslav jurtshylyǵy, elimizdegi musylmandar sııaqty qoǵamdaǵy ózara qurmetti odan ári damytýǵa barlyq kúsh-jigerin jumsaıtynyna senimin bildirdi. "Biz birlesken eńbekpen ǵana Otanymyzdyń ıgiligi jolyndaǵy ortaq maqsatqa qaraı jyljı otyryp, rýhanı jáne ekonomıkalyq gúldenýge qol jetkize alamyz», - delingen quttyqtaý mátininde.
Sheıh Ábsattar qajy Derbisáli óziniń quttyqtaýynda Nursultan Ábishuly Nazarbaevtyń halyqaralyq bedelin atap ótti, sonyń arqasynda «búginde beıbitshilik saıasaty jáne ıadrosyz álemge umtylysy úshin Qazaqstandy búkil álem qurmetteıdi».
Qazaqstannyń Pravoslav shirkeýiniń patrıotızmdi jáne Otanǵa súıispenshilikti nyǵaıtýdaǵy jasampaz eńbegi týraly aıta kelip, Bas múftı qazaqstandyq barlyq pravoslavtarǵa ıgilik pen gúldený tilegin jetkizdi.
