Qazaqstannyń Bas kedenshisi qol astyndaǵy qyzmetkerleriniń deni attestattaýdan óte almaıdy degen pikirde

ASTANA. 18 maýsym. QazAqparat - Menińshe, kedenshilerdiń kóbisi aldaǵy attestatsııadan óte almaıdy.

Búgin QR Qarjy mınıstrligi Kedendik baqylaý komıtetiniń janyndaǵy Konsýltatsııalyq keńestiń otyrysynan keıin jýrnalısterge bergen suhbatynda atalmysh komıtet basshysy Májıt Esenbaev osylaı aıtty.

«Kedendik baqylaý organdarynda attestatsııanyń ótpegenine jeti jyl boldy. Menińshe, ol ýaqyttyń ishinde bári ábden bosańsyp ketti. Olar attestatsııanyń ne ekenin jáne ózderiniń qyzmettik mindetterin umytyp qalǵan sııaqty. Sondyqtan osy attestatsııadan kóbisi óte almaıdy dep oılaımyn», - dep atap kórsetti M.Esenbaev.

Sol sebepti búginde komıtet basshylyǵy jas mamandardy jumysqa kóptep tartyp jatyr. «Olar attestatsııadan óte almaǵan qyzmetkerlerdiń ornyna kelip, jumys isteıtin bolady», - deıdi M.Esenbaev.