Qazaqstannyń bas bostandyǵynan aıyrý oryndarynda ómir boıyna bas bostandyǵynan aıyrý jazasyna kesilgen 86 azamat otyr

Olardyń 28-ine belgilengen ólim jazasy maratorıı engizilýine baılanysty keıinge qaldyrylǵan. Bul týraly búgin «Ortalyq Azııada ólim jazasyna shekteý qoıý men ony qoldanýdan bas tartýǵa deıin: ótpeli kezeńniń yǵyttary» atty taqyrypta ótip jatqan aýmaqtyq konferentsııa barysynda Ádilet mınıstrliginiń halyqaralyq quqyq, memlekettik jeke menshik quqyqtaryn qorǵaý departamentiniń dırektory Elvıra Ázimova málim etti.

«Búginde elimizde ólim jazasy tek kóptegen adamdardyń ólimine alyp kelgen terrorıstik áreketter men soǵys ýaqytynda jasalǵan aýyr qylmystar úshin ǵana qoldanylady. Onyń ózinde ólim jazasy kesilgen azamatqa raqymshylyq jasaý jóninde ótinish bildirýge múmkindik jasalǵan. Qahaqstan ólim jazasyna qatysty halyqaralyq mindettemelerdi talapqa saı oryndap otyr»,-dedi mınıstrlik ókili.