Qazaqstannyń barsha musylman qaýymyn qasıetti Ramazan aıynyń aıaqtalyp, Oraza aıtynyń bastalýymen shyn júrekten quttyqtaımyn! - Q. Lama Sharıf
ASTANA. 19 tamyz. QazAqparat - «Musylmandar erekshe qasterleıtin Ramazan aıy rýhanı qundylyqtarymyzdyń nyǵaıa túsýine ıgi áser etti.
Qasterli Oraza aıty osynaý berekeli aıdyń sharapatty meıramy retinde salıqaly musylmannyń jan dúnıesin aqıqat nuryna, meıirim shýaǵyna bólep, izgi isterge qulshyndyra túspek», - deıdi Qazaqstan Respýblıkasy Din isteri agenttiginiń tóraǵasy Qaırat Lama Sharıf qazaqstandyq musylmandardy qasıetti Oraza aıtymen quttyqtap.
«Qazaqstan musylmandary baı rýhanı mádenıetimen, ózara túsinikke negizdelgen qasterli qundylyqtarymen, jasampazdyqqa degen qushtarlyǵymen erekshelenedi. Osyndaı ıgi dástúrlerge ıe berekeli qaýymnyń aldaǵy ýaqytta da elimizdegi dinaralyq tatýlyq pen qoǵamdyq kelisimniń nyǵaıa túsýine ólsheýsiz úles qosaryna senimimiz mol.
Oraza aıtynyń shýaqty meıramy jandaryńyzǵa jylýlyq, boılaryńyzǵa kúsh-jiger, otbasylaryńyzǵa bereke darytsyn! Aıt qutty bolsyn!» - deıdi ol óz quttyqtaýynda.
