Qazaqstannyń barlyq teatrlarynda jemqorlyq taqyrybynda spektaklder qoıylmaq
ASTANA. QazAqparat - Qazaqstanda 30 astam qoǵamdyq uıym halyqtyń boıynda jemqorlyqqa qarsy mádenıetti qalyptastyrý maqsatynda sybaılas jemqorlyqqa qarsy is-qımyl agenttiginiń kelisimine qol qoıdy.
Bul týraly búgin Astanada QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov málim etti.
«Biz birge áriptestiktiń túrli tetikterin taldadyq, jemqorlyqqa qarsy iste memleket pen azamattyq qoǵamnyń yqpaldastyǵy baǵytynda halyqaralyq tájirıbeniń eń úzdigin zerttedik jáne eń tıimdisin tańdap aldyq. Nátıjesinde biz áriptestik týraly ashyq kelisimge qol qoıdyq. Búgingi kúni oǵan respýblıkalyq jáne jergilikti deńgeıdegi 30 uıym qosyldy», - dedi ol Ortalyq kommýnıkatsııalar qyzmetinde ótken dóńgelek ústelde.
Saıan Ahmetjanovtyń aıtýynsha, ashyq kelisim jemqorlyqqa qarsy is-qımyldar baǵytyndaǵy azamattyq qoǵamnyń ıdeıalaryn júzege asyrýǵa úlken múmkindikter beredi.
«Mysaly, mádenıet qaıratkerleri eldiń barlyq teatrlarynda jemqorlyqqa qarsy mádenıetti jáne memlekettik qyzmet ımıdjdi qalyptastyratyn spektaklderdi qoıýdy usyndy. Sonymen qatar jemqorlyqqa qarsy kúres taqyrybyndaǵy kitap pen kıno qoryn qurý týraly usynystar da kóńilge qonymdy ıdeıalardyń biri. Ǵylymı zertteýler ótkizý jóninde bastamalar kóterildi», - dep atap ótti agenttik ókili.
