Qazaqstannyń barlyq saılaý ýchaskesinde azamattardyń erkin qalaýyn bildirýge jaǵdaı jasalǵan - Ózbekstan OSK tóraǵasy
ASTANA. QazAqparat - Qazaqstannyń barlyq saılaý ýchaskesinde azamattardyń erkin qalaýyn bildirýge barlyq jaǵdaı jasalǵan. Bul pikirdi búgin Ózbekstan Ortalyq saılaý komıssııasynyń tóraǵasy Mırza-Ulyqbek Abdýsalomov bildirdi.
«Biz jalpy alǵanda 20-dan astam saılaý ýchaskesinde bolyp, olardyń jumystarymen tanystyq. Eń aldymen atap óterligi, daýys berý QR Konstıtýtsııasynyń erejelerine, saılaý zańnamasyna saı ótkizildi. Ýchaskelik saılaý komıssııalary óz jumystaryn jınaqty atqara aldy. Olar barlyǵyna da tyńǵylyqty daıyndalǵan», - dedi ol.
Osy rette Ózbekstan OSK tóraǵasy qazaqstandyq áriptesteriniń saılaýǵa daıyndyq jumystaryn óte joǵary deńgeıde uıymdastyra alǵandyǵyn basa aıtty.
«Olardyń daıyndyq jumystary óz jemisin berdi ári biz bolǵan birde-bir saılaý ýchaskesinde aıtarlyqtaı kemshilikter oryn almady. Barlyq saılaý ýchaskelerinde azamattardń erkin qalaýyn bildirýine, sonymen birge baıqaýshylarydń jumys isteýine barlyq jaǵdaı jasalǵan», - dedi M.Abdýsalomov.
