Qazaqstannyń barlyq óńirlerinde tek otandyq ónim satatyn 22 «Halyq markasy» sýpermarketteri ashylady
«Búginde jer-jerden bizderge tek qana otandyq ónim satatyn dúkender jelisin ashýǵa qatysty usynystar túsýde. Biz onyń tujyrymdamasyn ázirlep qoıdyq. Endigi jyldan bastap elimizdiń óńirlerinde 22 «Halyq markasy» atty sýpermarketter ashylady. Ol dúkenderde tek qana ózimizde óndirilgen, qazaqstandyq óndirýshilerdiń ǵana brendteri satylymǵa shyǵarylady» - dedi joba jetekshisi. Onyń sózine qaraǵanda, atalǵan dúkender jelisinde 300-den 500-ge deıingi otandyq taýar óndirýshilerdiń taýarlary satylmaq. «Bul úlken jetistik dep oılaımyn. Óıtkeni, kóptegen kompanııalar óz ónimderin elimizdiń basqa óńirlerine shyǵarýǵa múmkindikteri tym az bolýda. Al «Halyq markasy» sýpermarketteri arqyly máselen, elimizdiń batysyndaǵy kompanııalar óz ónimderin ońtústikke, ońtústiktegi kompanııalar batys pen soltústikke satylymǵa shyǵara alady», - dedi R.Tájibaeva.
