Qazaqstannyń barlyq óńirlerinde dáriler baǵasyn ustap turý týraly memorandýmdarǵa qol qoıyldy - QR DSÁDM

ASTANA. QazAqparat - Aǵymdaǵy jylǵy sáýir aıynyń basynan beri Qazaqstannyń barlyq oblystarynda, sondaı-aq Astana jáne Almaty qalalarynda ákimdikter, Medıtsınalyq jáne farmatsevtıkalyq qyzmetti baqylaý komıtetiniń departamentteri men farmatsevtıkalyq qaýymdastyqtar arasynda dárilik zattar men medıtsınalyq maqsattaǵy buıymdardyń baǵasyn ustap turý boıynsha memorandýmdarǵa qol qoıyldy.

2015 jylǵy 30 naýryzda QR Densaýlyq saqtaý jáne áleýmettik damý mınıstrligi jáne kásibı farmatsevtıkalyq qaýymdastyqtar dárilik zattar men medıtsınalyq maqsattaǵy buıymdardyń 200 ataýlarynyń baǵasyn ustap turý boıynsha yntymaqtastyq jónindegi memorandýmdarǵa qol qoıǵanyn buryn habarlaǵanbyz.

Bul qujatqa qol qoıý maqsaty halyqtyń áleýmettik álsiz toptaryn qoldaý bolyp tabylady. Dári-dármekter zattar men medıtsınalyq maqsattaǵy buıymdardyń otandyq jáne halyqaralyq óndirýshileri, dıstrıbıýtorlar jáne bólshek saýdanyń ókilderi 2015 jylǵy 1 naýryzdaǵy deńgeıinde baǵalardy bekitip, jıi qoldanylatyn dári-dármekter men medıtsınalyq maqsattaǵy buıymdardyń 200 ataýyna baǵany ustap turý týraly áleýmettik jaýapkershilikti ózderine aldy.

Atap aıtqanda, olardyń qatarynda qabynýǵa qarsy, aýyrsynýdy jáne dene qyzýyn basatyn preparattar, antıbıotıkterdiń keıbir túrleri, sondaı-aq shprıtster jáne dákeler bar, dep habarlanǵan QR Densaýlyq saqtaý jáne áleýmettik damý mınıstrliginiń saıtynda.