Qazaqstannyń barlyq óńirinde vaktsına bar – Alekseı Tsoı
«Biz úshin vaktsınatsııa qazir pandemııadan shyǵýdyń negizgi quraly bolyp otyr. Úkimet sáýir aıynda elimizdiń 2 mln azamatyn vaktsınamen qamtamasyz etýge daıyn ekenin rastady, biz Qazaqstanǵa 2,3 mln doza vaktsına ákeldik. Búgingi tańda 1,4 mln adam birinshi komponentti saldyrdy. Vaktsınalaýdyń ózi erikti túrde júredi. Biz barynsha qoljetimdilikti qamtamasyz ettik, Qazaqstannyń barlyq óńirinde vaktsına bar. Qazir 1400 vaktsınalaý pýnkti uıymdastyryldy: iri saýda ortalyqtarynda salýǵa bolady, al 300 kóshpeli brıgada ujymdarǵa barady», - dedi Alekseı Tsoı Májilistiń jalpy otyrysynda.
Mınıstr vaktsınanyń jetkilikti kólemde bar ekenin jáne jetkizýdiń de naqty kesteleri bekitilgenin aıtty.
«Biz óńirlermen jumys istep jatyrmyz. Mysaly keshe 117 myń adam vaktsına aldy delik. ıAǵnı, vaktsınalaý qarqyny artyp keledi. Eń bastysy, bizdiń azamattar vaktsına saldyrý qajettigin túsindi. Qazir olar kóptegen tanystarynyń ekpe alǵanyn, qandaı da esh asqyný bolmaǵanyn kóredi. Sondyqtan qazir turǵyndardyń belsendiligi artyp kele jatqanyn kórip otyrmyz jáne biz úshin túsindirý, qoljetimdilik, vaktsınamen qamtamasyz etý arqyly qarqynnyń artqany mańyzdy. Qazir naryqta úsh vaktsına bar. Biz óz azamattarymyz úshin vaktsına alýǵa barynsha jaǵdaı jasaýǵa tyrysamyz», - dedi Densaýlyq saqtaý mınıstri.
