Qazaqstannyń barlyq óńirinde Ulttyq kásipkerler palatasynyń fılıaldary qurylady
ASTANA. 5 maýsym. QazAqparat - Búgin Palata spıkeri Nurlan Nyǵmatýlınniń tóraǵalyǵymen ótken jalpy otyrysta Májilis «Qazaqstan Respýblıkasynyń Ulttyq kásipkerler palatasy týraly» zań jobasyn ilespe túzetýlermen birge jumysqa qabyldady.
Bul týraly Májilistiń baspasóz qyzmetinen málim etti.
Kásipkerlik sýbektileriniń zańdy múddelerin jáne quqyǵyn qorǵaý Ulttyq palatanyń negizgi qyzmetteriniń biri bolyp tabylady.
Palataǵa memlekettik jáne basqa da mańyzdy baǵdarlamalar boıynsha eksportty qoldaý operatory qyzmetin zańnamalyq turǵydan bekitý usynylyp otyr. Ulttyq palata kásipkerlerdi oqytý jáne olarǵa jeke bıznesin ashyp, júrgizýge konsaltıngtik qyzmet kórsetetin bolady.
Palata fılıaldary elimizdiń barlyq qalalary men aýdandarynda qurylady.
