Qazaqstannyń barlyq óńirinde turǵyn úı qurylysynyń kólemi ulǵaıǵan
ASTANA. QazAqparat - 11 aıdyń qorytyndysy boıynsha ótken jylmen salystyrǵanda respýblıkanyń barlyq óńirlerinde turǵyn úı qurylysy kóleminiń ulǵaıǵany baıqalady, dep jazady primeminister.kz.
Statıstıkalyq málimetterge sáıkes, bul kórsetkish eń joǵary Astana qalasynda - 2,3 mln m² (22 565 páter), Almaty qalasynda - 1,7 mln m² (15 020 páter), Mańǵystaý oblysynda - 978,8 myń m² (8 367 páter), Aqtóbe oblysynda - 707,1 myń m² (5 941 páter) jáne Almaty oblysynda 682,7 myń m² (4 824 páter) boldy.
2017 jyl jáne 2018 jylǵy 11 aı ishinde turǵyn úı qurylysyna 2044,8 mlrd teńge ınvestıtsııa salyndy (2017 jyly - 1022,5 mlrd teńge, 2018 jyldyń 11 aıynda - 1022,3 mlrd teńge).
Osy kezeń ishinde memlekettiń jumsalǵan 1 teńge qarajatyna 5,5 teńge jeke ınvesttsııalar tartyldy (315,4 mlrd teńge/1729,4 mlrd teńge).
