Qazaqstannyń barlyq óńirinde memqyzmettiń eksaýmaqtyq qaǵıdaty engiziledi
Bul týraly búgin QR Qarjy mınıstrligi Memlekettik kirister komıteti Memlekettik qyzmetter basqarmasynyń bastyǵy Nurlan Rahymǵalıev málim etti, dep habarlaıdy QazAqparat.
«2016 jylǵy 1 sáýirden bastap respýblıkanyń úsh óńirinde memlekettik qyzmetti alý rásimin ońtaılandyrý jáne ońaılatý maqsatynda Aqmola, Qostanaı jáne Soltústik Qazaqstan oblystarynda kórsetiletin memlekettik qyzmettiń eksaýmaqtyq qaǵıdatyn engizý boıynsha ilki joba iske asyrylýda. Ol salyq tóleýshiniń esepke alý-tirkeý ornyna baılaýly bolmaýy ıaǵnı, kez kelgen memlekettik kirister organdarynda qyzmetti alý múmkindigin kózdeıdi», - dedi ol.
Basqarma basshysynyń aıtýynsha, búgingi tańda osy qaǵıdat boıynsha 667 memlekettik qyzmet, onyń ishinde 120 qyzmet ekinshi toqsanda jáne 547 qyzmet úshinshi toqsanda kórsetilgen.
«Ol osy jobaǵa degen salyq tóleýshilerdiń qyzyǵýshylyǵyn bildiredi. Atalǵan ilki jobanyń qortyndysy boıynsha memlekettik qyzmetti kórsetýdiń bul modeli QR-nyń barlyq aýmaǵynda engiziletin bolady», - dedi Rahymǵalıev.
