Qazaqstannyń barlyq óńirinde Abaı mektep-ınternattary ashylady
NUR-SULTAN. QazAqparat - Qazaqstannyń 10 óńirinde gýmanıtarlyq pánderdi tereńdetip oqytatyn Abaı atyndaǵy mektep-ınternattary ashyldy, dep habarlaıdy QazAqparat tilshisi.
Bul týraly QR Bilim jáne ǵylym mınıstri Ashat Aımaǵambetov halyq aldynda esep berý barysynda aıtty.
«Abaıdyń 175 jyldyǵy aıasynda gýmanıtarlyq pánderdi tereńdetip oqytatyn Abaı atyndaǵy mektep-ınternattary jelisin qurý jumystary bastalyp ketti. Bul mektepter 10 óńirde ashyldy, endi jyl sońyna deıin qalǵan 7 óńirde ashýdy josparlap otyrmyz. Bul jumystar ári qaraı jalǵasady», - dedi mınıstr Feısbýk jelisindegi onlaın esep berýde.
