Qazaqstannyń barlyq oblystarynda daǵdarys ortalyqtary ashylady - V. Bojko
ASTANA. 30 qyrkúıek. QazAqparat - Qazaqstannyń barlyq oblystarynda tótenshe jaǵdaılar boıynsha daǵdarys ortalyqtary ashylady. Bul týraly búgin Astanada ótken tótenshe jaǵdaılardy ǵaryshtan baqylaý jáne boljaý boıynsha birlesken júıeni qurý jónindegi Qazaqstan - Reseı jumys tobynyń kezekti otyrysynda QR Tótenshe jaǵdaılar mınıstri Vladımır Bojko málim etti.
«Aldaǵy ýaqytta biz respýblıkanyń árbir oblysynda daǵdarys ortalyqtaryn ashatyn bolamyz. Osy másele boıynsha tıisti baǵdarlama men qajetti qujattar rásimdelgen. Kelesi jylǵa el bıýdjetinen qarjy da bólindi», - deıdi V. Bojko.
Aıta keteıik, tótenshe jaǵdaılar boıynsha daǵdarys ortalyqtary tabıǵı jáne tehnogendik sıpattaǵy apattar týraly aqparatty saraptap, tıisti organdardyń shuǵyl túrde áreket etýin qamtamasyz etedi.
