Qazaqstannyń barlyq medıtsına uıymyna túgendeý júrgiziledi
«2021 jylǵy 26 qańtarda ótken Úkimettiń keńeıtilgen otyrysynda Memleket basshysy bergen tapsyrmalardy júzege asyrý aıasynda medıtsınalyq uıymdardyń materıaldyq-tehnıkalyq bazasyna baǵalaý júrgizýdi jáne bosandyrý, reanımatsııa qyzmetterin jańǵyrtý josparlanyp otyr», - dedi Alekseı Tsoı mınıstrliktiń keńeıtilgen alqa otyrysynda.
Onyń aıtýynsha, bul maqsattarǵa qol jetkizý úshin qysqa merzim ishinde densaýlyq saqtaý salasynyń barlyq medıtsınalyq uıymyna túgendeý júrgizilip, bosandyrý jáne reanımatsııa qyzmetteriniń materıaldyq-tehnıkalyq bazasy nyǵaıtylatyn bolady.
«Aýylda medıtsınalyq kómektiń qoljetimdiligin qamtamasyz etý úshinjumys istep turǵan 13 aýdanaralyq aýrýhanaǵa qosymsha taǵy 25-ke deıin aýdanaralyq aýrýhana ashylady. Sol arqyly «altyn saǵat» ustanymyn saqtaý qamtamasyz etilip, halyqqa kórsetilgen medıtsınalyq qyzmet sanynyń mýltıplıkatsııalyq áseri bolady. Qorytydysynda qyzmet alatyn halyqtyń boljamdy sany 2,5 mln adamnan 5,2 mln adamǵa deıin artady», - dedi mınıstr.