Qazaqstannyń barlyq qalalary arasyndaǵy áýe qatynasy 25 mamyrda qalpyna keltiriledi
Elimizdiń barlyq áýejaılary jumys isteı bastaıdy, al áýe kompanııalary sanıtarlyq-karantındik sharalardy saqtaı otyryp, reıster sanyn derbes belgileıtin bolady.
«Ushaqtar Kóliktegi bas sanıtarlyq dáriger belgilegen sanıtarlyq qaýipsizdiktiń joǵary sharalaryn saqtaı otyryp, ıaǵnı jeke qorǵanys quraldaryn paıdalanýmen, sensor termometrmen dene qyzýyn ólsheý, áleýmettik qashyqtyqty saqtaý arqyly ushady jáne áýejaılar men ushaqtarda kúsheıtilgen zalalsyzdandyrý jumystary júrgiziledi», delingen habarlamada.
Qazaqstan aýmaǵynda koronavırýs ınfektsııasynyń taralýyna jol bermeý jónindegi vedomstvoaralyq komıssııa sheshimine sáıkes, 25 mamyrdan bastap Atyraýdan respýblıkanyń ózge qalalaryna kelesi baǵyttar boıynsha áýe reısteri qaıta ashylady.
Eske sala ketsek, 1 mamyrdan bastap Almaty men Nur-Sultan qalalary arasynda (2 qala); 5 mamyrdan Semeı, Óskemen, Petropavl, Qyzylorda (4 qala); 11 mamyrdan Aqtóbe, Pavlodar, Taraz, Qaraǵandy, Taldyqorǵan, Kókshetaý, Qostanaı (7 qala) áýe reısteri ashylǵan edi.
Aıta keterligi, koronavırýs pandemııasyna baılanysty elimizde memlekettik komıssııanyń sheshimimen 97 halyqaralyq baǵyt boıynsha aptasyna 440 reıs jáne ishki reısterde 45 baǵyt boıynsha aptasyna 540 turaqty reıs toqtatylǵan bolatyn.
