Qazaqstannyń barlyq elshilikterin bir saıttan tabýǵa bolady
ASTANA. QazAqparat - QR Syrtqy ister mınıstrligi jańartylǵan saıttyń úlgisin iske qosty, dep xabarlaıdy QazAqparat tilshisi.
Resmı saıttyń https://mfa.gov.kz/ru jańa úlgisinde Qazaqstan elshilikteriniń saıttaryna birden ótýge bolady. Ol úshin ınteraktıvti álem kartasyndaǵy belgili bir eldiń sýretine basý qajet, birden sol memlekette ornalasqan elshiliktiń saıty ashylady.
"Jańa saıttyń basty artyqshylyǵy - ınterfeıs yńǵaıly ári túsinikti. Dızaıny shashyrańqy emes. Sosyn saıttyń jyldamdyǵy jaqsy. Aqparattyq qaýipsizdigi de joǵary bolyp otyr. Endi mınıstrliktiń resmı saıty men Qazaqstannyń sheteldegi dıplomatııalyq mekemeleriniń saıttary bir platformada jumys isteıtin bolady", - deıdi Syrtqy ister vedomstvosynyń mamandary.
Aıta ketken jón, jańartylǵan saıtty toltyrý, sondaı-aq texnıkalyq olqylyqtardy joıý jumystary jalǵasýda.
