Qazaqstannyń barlyq derlik aýmaǵyn kólemdi antıtsıklon jabady - 14 aqpanǵa arnalǵan aýa raıy boljamy
ASTANA. 13 aqpan. QazAqparat - Qazaqstannyń barlyq derlik aýmaǵy 14 aqpan kúni kólemdi antıtsıklonnyń yqpalynda bolady.
Respýblıkanyń tek ońtústik, ońtústik-shyǵys bóligi atmosferalyq aýmaq yqpalynda bolyp, sol arqyly turaqsyz aýa raıy bolady dep kútilýde, dep habarlaıdy QR TJM-niń baspasóz qyzmeti, Qazgıdrometke silteme jasap.
Almaty, Qyzylorda, túnde Ońtústik Qazaqstan, Jambyl oblystarynda tuman bolady dep kútilýde.
Mańǵystaý, kúndiz Atyraý, Batys Qazaqstan oblystarynda keıbir jerlerde jeldiń jyldamdyǵy sekýndyna 15-20 metrge deıin kúsheıedi, Mańǵystaý oblysynda keıbir jerlerde jaıaý burqasyn bolady dep kútilýde.
Jaqyn táýlikterde Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń ózenderinde muz qubylystaryna baılanysty sý deńgeıleriniń aýytqýlary baıqalady, jekelegen ózenderde sý deńgeıleri kóterilýi múmkin. Shardara sý qoımasyna 14-15 aqpan kúnderi 1400 m3/s shamasynda sý quıylýy múmkin.
