Qazaqstannyń barlyq aımaqtarynda turaqsyz aýa raıy saqtalady - 19 naýryzǵa aýa raıy boljamy
ASTANA. QazAqparat - Qazaqstannyń barlyq aımaqtarynda atmosferalyq aǵyndardyń ótýine baılanysty turaqsyz aýa raıy saqtalady, keı jerlerde jaýyn-shashyn jaýyp, tuman túsedi, kóktaıǵaq bolady, burqasyndatady, dep habarlady QR ІІM Tótenshe jaǵdaılar komıteti.
Aqmola, Soltústik Qazaqstan oblystarynyń keı jerlerinde kóktaıǵaq bolady, jaıaý borasyn kútiledi, jel 15-20 m/s-qa deıin kúsheıip, keı jerlerde ekpini 23-28 m/s-qa jetedi, Aqmola oblysynyń keı jerlerinde tuman túsedi.
Qostanaı, Qaraǵandy oblystarynda jel kúshi 15-20 m/s, Qostanaı oblysynda uıtqýy 23 m/s-qa jetedi, keı jerlerde tuman túsedi, kóktaıǵaq bolady, jaıaý borasyn júredi.
Shyǵys Qazaqstan oblysynyń keı jerlerinde jeldiń kúshi 15-20 m/s, túnde jaıaý borasyn soǵyp, jel kúsheıe túedi.
Mańǵystaý, Qyzylorda, Pavlodar oblystarynyń keı jerlerinde jel 15-20 m/s-qa deıin kúsheıedi.
Almaty oblysynyń keı jerlerinde tuman túsedi.
Jambyl, tańerten jáne kúndiz Ońtústik Qazaqstan oblystarynyń keı jerlerinde jeldiń kúshi 15-20 m/s-qa deıin kúsheıedi, jekelegen aýdandarynda tuman túsedi.
Batys Qazaqstan, Aqtóbe oblystarynyń keı jerlerinde kóktaıǵaq bolady, jaıaý borasyn júredi, jel 15-20, kúndiz uıtqýy 23 m/s-qa deıin kúsheıedi. Atyraý oblysynda jeldyń ekpini 17-22 m/s-qa deıin kúsheıip, jekelegen aýdandarynda burqasyndatady, kóktaıǵaq bolady.
