Qazaqstannyń barlyq aýmaǵynda derlik aýa raıynyń turaqsyz sıpaty saqtalady
ASTANA. QazAqparat - Qazaqstannyń barlyq aýmaǵynda derlik atmosferalyq aǵyndardyń ótýimen burynǵysha aýa raıynyń turaqsyz sıpaty saqtalady, kúshti jaýyn-shashyn bolyp, sońy qarǵa aınalady, tuman túsedi, kóktaıǵaq bolady, burqasyn kóteriledi. Bul týraly «Qazgıdromet» RMK habarlady.
Almaty oblysynda keı jerlerde tuman túsedi, kóktaıǵaq bolady, jeldiń kúshi Jalańashkól aýdanynda 18-23 m/s-qa jetedi. Shyǵys Qazaqstan, Qaraǵandy, Soltústik Qazaqstan, Aqtóbe, Batys Qazaqstan, Qostanaı oblystarynda keı jerlerde tuman túsip, kóktaıǵaq, burqasyn bolýy kútiledi, jeldiń ekpini 15-20 m/s-qa, uıtqýy 25 m/s-qa deıin kúsheıedi. Atyraý oblysynda keı jerlerde jel 15-20 m/s-qa jetip, túnde burqasyndatady. Mańǵystaý oblysynda túnde keı jerlerde tuman túsedi, kóktaıǵaq bolady. Ońtústik Qazaqstan oblysynda keı jerlerde tuman túsedi, jel 15-20 m/s-qa deıin kúsheıedi. Aqmola, Pavlodar oblystarynda jeldiń 15-20 m/s-qa deıin, uıtqýy 25 m/s-qa deıin kúsheıýi, keı jerlerde burqasyndatyp, kóktaıǵaq bolýy kútiledi. Qostanaı oblysynda túnde keı jerlerde jeldiń 15-20 m/s-qa deıin, kúndiz uıtqýy 17-22 m/s-qa jetýi, keı jerlerde burqasyn kóterilip, tuman túsýi, kóktaıǵaq bolýy kútiledi. Qyzylorda oblysynda keı jerlerde jel 15-20 m/s-qa deıin kúsheıedi. Jambyl oblysynda tuman túsedi, jel 15-20 m/s-qa deıin kúsheıedi.
Sonymen qatar, taıaýdaǵy táýlikterde respýblıkanyń ońtústigi, ońtústik-shyǵysy men shyǵysyndaǵy ózenderde muz qatýyna oraı sý deńgeıi qubylady. Qazaqstannyń batys, soltústik jáne ortalyq oblystaryndaǵy sý nysandarynda qysqy rejım saqtalady.
