Qazaqstannyń barlyq aýmaǵynda derlik ashyq kún raıy saqtalady - 4 aqpan
ASTANA. QazAqparat - Qazaqstannyń barlyq aýmaǵy derlik áli de antıtsıklonnyń yqpalynda bolǵandyqtan, jaýyn-shashynsyz aýa raıy saqtalady, jekelegen aýdandarda tuman túsýi baıqalyp, jel 15-20 m/s-qa deıin kúsheıedi, dep habarlady «Qazgıdromet» RMM.
Respýblıkanyń batysynda ǵana frontaldy bólikterdiń ótýine baılanysty keı jerlerde jaýyn-shashyn bolyp, jel 15-20 m/s-qa deıin kúsheıedi, burqasyndatady, kóktaıǵaq bolady, tuman túsedi,
Túnde Almaty oblysynyń keı jerlerinde tuman túsedi, Jalańashkól aýdanynda jeldiń kúshi 17-22, uıtqýy 28 m/s-qa deıin jetedi. Jambyl oblysynyń keı jerlerinde tuman túsedi, kúndiz jel 15-20 m/s-qa deıin kúsheıedi. Ońtústik Qazaqstan, túnde jáne tańerteń Shyǵys Qazaqstan, Soltústik Qazaqstan oblystarynyń keı jerlerinde tuman túsedi. Kúndiz Qyzylorda oblysynyń keı jerlerinde jel 15-20 m/s-qa deıin kúsheıedi. Mańǵystaý oblysynyń keı jerlerinde jel 17-22 m/s-qa deıin kúsheıip, tuman túsedi. Atyraý oblysynyń keı jerlerinde jeldiń kúshi 15-20 m/s, kúndiz kóktaıǵaq bolady. Batys Qazaqstan oblysynyń keı jerlerinde tuman túsip, kóktaıǵaq bolady, jeldiń ekpini 15-20 m/s-qa deıin jetedi. Aqtóbe oblysynyń keı jerlerinde jaıaý burqasyn baıqalady, jeldiń kúshi 15-20 m/s-qa deıin jetedi. Túnde jáne tańerteń Qostanaı oblysynyń keı jerlerinde tuman túsedi, tańerteń jáne kúndiz jel 18 m/s-qa deıin kúsheıedi.
