Qazaqstannyń bank kartochkasy naryǵynyń bolashaǵy zor -
ALMATY. 8 jeltoqsan. QazAqparat /Erlik Erjanuly/ - Qazaqstannyń bank kartochkasy naryǵy áleýeti áli tolyq paıdalanylmaı otyr.
Ony VIZA(VISA) kompanııasynyń TMD elderi boıynsha aımaqtyq menedjeri Aleksandr Kalıta búgin olardyń tapsyrysy boıynsha "Vlack Voh" kompanııasy júrgizgen zertteý jumysynyń qorytyndysyn jarııalaǵan kezde aıtty.
Oǵan jyldyq aınalymy keminde 8 mıllıon teńgeni quraıtyn 150 shaǵyn jáne orta bıznes kásiporyndary tartylǵan. Bul zertteý jumysy aǵymdaǵy jyldyń 11 aqpany men 12 naýryzy aralǵynda júrgizilip, oǵan bas keńseleri Astana, Almaty (33 paıyzdan), Qaraǵandy, Shymkent (17 paıyzdan) qalalarynda ornalasqan kompanııalar qatystyryldy. Olardyń qyzmet salalaryn - qurylys pen múlik, tutyný taýarlary men saýda (35 paıyzdan), personaldy qyzmet (12 paıyz), qural-jabdyqtar (9 paıyz) jáne kásibı qyzmetter (8 paıyz) qurady.
Aleksandr Kalıtanyń aıtýynsha, shaǵyn jáne orta bızneste qoldanylatyn negizgi bank qyzmetteri mynaý: esepshottarǵa tóleý - 79 paıyz, depozıtter/kassalyq operatsııalar - 49 paıyz, aqsha aýdarymdary - 48 paıyz. Oǵan kompanııalardyń úshten biri ǵana bank kredıtterin qoldanady. Zertteýge qatysqan kásiporyndardyń 9 paıyzy korporatıvtik kartaǵa (Vıza bıznes) ıe. Ony olardyń 2 paıyzy ǵana qoldanady. 3 paıyzy bıznes-shyǵyndardy tóleýge jeke kartalaryn paıdalanady. Jalpy saýalnamaǵa qatysqandardyń 65 paıyzy korporatıvtik karta týraly estigen.
