Qazaqstannyń balalary tym domalanyp barady

Memlekettik bıýdjetten qarjy­landyrylatyn 50 mekteptiń besinshi jáne toǵyzynshy synyptaryn zertteý barysy anyqtaǵandaı, másele shyn máninde, nazar aýdararlyqtaı jaǵdaıǵa jetken. Saýalnamaǵa 7500 oqýshy qatysqan. Zertteý qorytyndysy kór­setkendeı, búgingi tańda oqýshylardyń 21,7 paıyzy artyq salmaqtan aryla almaı otyr. Ásirese, bul joǵary synyp oqýshy­laryna tán jaǵdaı, semizdik máselesi olarda alańdatarlyqtaı. Bul kórsetkish joǵary synypta 31,8 paıyzdy kór­setýde. Sonda qazaqstandyq oqýshylar ne jep, ne ishedi? Mamandardyń qo­ry­tyndysyna sensek, bilim ordasyndaǵy oqýshylar gazdalǵan sýsyndar men ártúrli dámdeýish qosylǵan (fast-fýd) táttilerdi jeýge áýes. Olardyń 53 paıyzy shokoladty batondardy, 43 paıyzy fast-fýdty, 51 paıyzy mı­neraldy-gazdy tátti sýsyndardy ishýdi táýir kóredi. Al 50 paıyzy dámdi sok­tardy ishkendi artyq kóredi, dep jazady aikyn.kz. Al aıran men sút jáne aǵarǵan ónimderdi ishý kórsetkishi óte tómen. Oqýshylardyń 17 paıyzy turaqty túrde aıran jáne sút ishedi. Tek besten biri on kúnde ǵana bir retten ıogýrt ishetin kórinedi. Shyndyǵynda oqýshylar arasyn­daǵy artyq salmaq máselesi qazirgi tańda búkil álemdi alańdatyp otyr. Bul ǵalamdyq problemany sheshý de ońaı emes ekenin myna kórsetkishter dálel­dep-aq turǵandaı. Sońǵy eki jyldaǵy málimetterge nazar aýdarsaq, qazir ǵa­lamda 42 mıllıon balanyń salmaǵy tıisti mólsherinen aýyr. Bir alań­da­tarlyǵy, olardyń 35 mıllıony damýshy elderge tıesili bolyp otyr. Balalar arasynda aýyr salmaq máselesi búgingi tańda AQSh bıligin de qatty alańdatýda. AQSh-ta semizdikke qarsy arnaıy memlekettik baǵdarlama da qabyldandy. Qazir AQSh-taǵy árbir segizinshi oqýshy semizdiktiń zardabyn tartyp otyr.