Qazaqstannyń BAQ týraly zańnamasy halyqaralyq talapqa saı - Joǵary sarapshylar keńesi
ALMATY. 29 sáýir. QazAqparat /Erbol Azanbek/ - Búgin Almatyda Joǵary sarapshylar keńesiniń otyrysy ótip, QR BAQ týraly zańy jáne onyń halyqaralyq talapqa saı bolýy talqylandy.
Keńes barysynda Qazaqstan krımınologtar qaýymdastyǵy «BAQ-nyń halyqaralyq standarttary jáne ulttyq zańdylyqtar» atty baıandama usyndy.
Qazaqstannyń krımınologtar qaýymdastyǵynyń prezıdenti, D.Qonaev atyndaǵy ýnıversıtettiń rektory Ó.Qopabaevtyń aıtýynsha, jobanyń maqsaty - BAQ týraly zańdy quqyqtyq kózqaras turǵysynan saraptaý. «Qazaqstandyq BAQ týraly zań aktlerin tolyqtaı saraptan ótkizdik. Biz osy negizde zań shyǵarýshy organdarǵa BAQ týraly zańdy jetildirý týraly usynys jasaıtyn bolamyz»,- dedi Ó.Qopabaev. Keńes barysynda joǵary deńgeıdegi sarapshylar BAQ týraly zań jáne saraptama týraly óz usynystaryn bildirdi.
QR Konstıtýttsııalyq Keńesiniń tóraǵasy Igor Rogovtyń aıtýynsha, bundaı saraptama óte qajet. «Bul halyqaralyq uıymdarǵa jáne ózimizge de qajetti taza quqyqtyq jáne ǵylymı saraptama. Quqyqtyq kózqaras turǵysynan BAQ týraly ulttyq zańdylyqtar halyqaralyq talaptarǵa saı, alaıda quqyqty qoldaný tájrıbesi jetildirýdi qajet etedi. ıAǵnı zań normalaryn tájrıbe júzinde qoldaný baǵytynda oń kózqaras kerek»,-dedi I.Rogov.
Jobanyń bas sarapshysy, ál-Farabı atyndaǵy QazUÝ-dyń sot bıligi jáne qylmystyq úrdister kafedrasynyń meńgerýshisi Serikqalı Tynybekovtyń aıtýynsha, QR BAQ týraly zańynyń keıbir pýnktterinde halyqaralyq talaptarǵa sáıkestendiretin jerleri bar. «Bul kemshilikter saraptaýda ashyq kórsetildi. Onyń ornyn toltyryp, zańdy jetildirý múmkindigi bar. Bulardy eseptemegende, jalpy BAQ týraly zańdylyqtar halyqaralyq talaptarǵa tolyqtaı saı»,-deıdi professor.
Keńeske QR Joǵarǵy sotynyń tóraǵasy Bektas Beknazarov, QR Bas prokýrorynyń birinshi orynbasary Iogan Merkel, QR Prezıdenti ákimshiliginiń ókilderi men QR Parlamenti Senaty men Májilisiniń depýtattary qatysty.
