Qazaqstannyń Azııalyq Parlamenttik Assambleıasynyń músheligine qabyldanýy týraly másele qaralady
ASTANA. Jeltoqsannyń 4-i. QazAqparat - Búgin QR Parlamenti Májilisiniń depýtattary Kenjeǵalı Saǵadıev pen Zeınolla Alshymbaev Indonezııa eliniń Bandýng qalasyna attanady. Qazaqstan parlamentshileri Bandýng qalasynda ótetin Azııalyq Parlamenttik Assambleıasynyń (APA) IV jalpy sessııasynyń jumysyna qatysady,
dep habarlaıdy QazAqparat.
Aıta ketý kerek, Azııalyq Parlamenttik Assambleıasy 1999 jyly Bangladeshtiń bastamasymen Azııa elderi parlamentteriniń «Beıbitshilik jáne yntymaqtastyq úshin» atty konferentsııasynda quryldy. Azııalyq Parlamenttik Assambleıasyna 39 eldiń parlamentteri múshelikte bolsa, onyń quramynda Reseı, Qyrǵyzstan, Tájikstan jáne Ózbekstan elderi de bar. Al 18 el baqylaýshy mártebesine ıe, sonyń ishine Qazaqstan da kiredi.
Osy jolǵy basqosýdyń kún tártibinde Qazaqstan men Indııany múshelikke qabyldaý máselesi qarastyrylady dep kútilýde.
