Qazaqstannyń Ázerbaıjandaǵy elshiligi baýyrlastar qabirine gúl shoqtaryn qoıý sharasyna qatysty
Sharaǵa Ázerbaıjanda tirkelgen TMD elderiniń ókilderi, Qazaqstan elshiligi, qoǵam ókilderi, parlament depýtattary men soǵys ardagerleri qatysty.
Ekinshi dúnıejúziliq soǵys jyldary qıyndyqtarǵa qaramastan ázerbaıjandyq munaıshylar erlik pen batyldyq tanytyp, frontty janar-jaǵarmaımen qamtamasyz etip otyrdy.
Munaıshylardyń jankeshti eńbeginiń arqasynda Ázerbaıjanda munaı óndirý kórsetkishiniń rekordy ornatyldy. 23,5 mln. tonna «qara altyn» óndirilip, ol búkil KSRO boıynsha óndirilgen munaıdyń 71,4 paıyzyn qurady.
Jalpy soǵys jyldary Ázerbaıjan eldi 75 mln tonna munaı, 22 mln. tonna benzın jáne basqa da munaı ónimderimen qamtamasyz etti. Baký munaıynyń fashızmdi jeńýde baǵa jetpes úles qosqanyn senimmen aıtýǵa bolady. Bes ushaqtyń, tanktiń, mashınanyń árbir tórtinshisi Baký benzıni arqyly jumys istegen.
