Qazaqstannyń azamattyq zańy aǵylshyndyq quqyq qaǵıdattary negizinde jetildirilmek
Aıta keterligi, konferentsııanyń maqsaty aǵylshyn jáne eýropalyq quqyq qaǵıdattary men erejelerin ımplementatsııalaý negizinde Qazaqstan Respýblıkasynyń jeke quqyǵyn jetildirý tujyrymdamasynyń qaıta pysyqtalǵan jobasynyń erejelerin, «Qazaqstan Respýblıkasynyń keıbir zańnamalyq aktilerine aǵylshyn jáne eýropalyq quqyq qaǵıdattary men erejelerin ımplementatsııalaý negizinde sharttyq mindettemelerdi quqyqtyq retteýdi jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy jobasynyń sharttyq mindettemelerdi jetildirý bóligindegi jekelegen erejelerin talqylaý bolyp sanalady.
«Joba tujyrymdamasy sarapshylardyń usynystary eskerile otyryp birneshe márte pysyqtaldy. Atalǵan jumystardyń nátıjesinde tujyrymdama ataýy naqtylandy. Endigi ýaqytta ol aǵylshyn quqyǵynyń qaǵıdattarymen úlesimdi birigýiniń mańyzdylyǵyn, qurlyqtyq quqyqtyq dástúrli zerdelenýlerin pash etedi. Bul jumystar bizdiń quqyqtyq júıemizge barynsha álemniń damyǵan elderiniń arasynda básekelege qabiletti bolýǵa múmkindik beredi. Jumys qorytyndysynda ulttyq zańnamaǵa ózgertýler men tolyqtyrýlar engiziledi», - dedi halyqaralyq sharanyń ashylý rásiminde sóz sóılegen QR Ádilet mınıstriniń orynbasary Nurlan Eshmaǵambetov.
Konferentsııa barysynda QR azamattyq zańnamasyndaǵy deldaldyq, Qazaqstan Respýblıkasynyń azamattyq zańnamasynda adaldyq jáne shart bostandyǵy qaǵıdattaryn iske asyrý, Tájikstan Respýblıkasy zańnamasyndaǵy shart bostandyǵy jáne azamattyq-quqyqtyq normalar ımperatıvtiliginiń shekteri, Qazaqstan Respýblıkasynyń zańnamasyna kásipkerliktiń damýyn qamtamasyz etetin jańa ınstıtýttardy engizý jáne basqa da taqyryptardaǵy negizgi baıandamalar tyńdalyp, jan-jaqty talqylanýda.
