Qazaqstannyń Azamattyq alıansy turǵyndar men úkimettik emes uıymdardyń baılanysyn arttyrý qajet dep sanaıdy
ANA. 23 maýsym. QazAqparat /Aıdar Ospanalıev/ - Búgin Astanadaǵy «Kórme» ortalyǵynda «Aqyly jáne tegin medıtsınalyq kómek kórsetý tártibi» atty taqyrypta qoǵamdyq dáris berilýde.
Atalmysh shara Qazaqstannyń Azamattyq alıansy úkimettik emes uıymdardyń turǵyndarmen tyǵyz qarym-qatynastaryn jetildirý maqsatynda qolǵa alyp otyrǵan jumystardyń biri deýge bolady. Búginde azamattyq alıans respýblıka kóleminde túrli taqyryptar boıynsha osyndaı lektsııalar uıymdastyrýda. Olardyń taqyryby analardy qorǵaý, áleýmettik qorǵaý, jeke jáne zeınetaqy salymdaryn basqarý, elektrondy úkimet sııaqty kóptegen keń aýqymdy máselerdi qamtıdy.
«Bul Azamattyq alıanstyń úkimettik emes uıymdardyń turǵyndarmen tikeleı baılanysty jumys isteýin qamtamasyz etý maqsatynda jasap otyrǵan jańa tıimdi qadamdardyń biri. Jalpy, qazaqstandyqtardyń saýatyn jetildirý úkimettik emes uıymdardyń da maqsaty. Bıyl táýelsizdigimizge 20 jyl toldy. Búgingi jetistigimizdiń halqymyzdyń arqasynda kelgen ıgilik ekendigin Elbasymyz da talmaı aıtyp keledi. Biz óz quqyqtaryn biletin, saýatty da belsendi halqy bar el ǵana ósip-órkendeı beredi degen oıdamyz», -deıdi sharany uıymdastyrýshylar.
Qoǵamdyq dárister azamattardyń belsendiligin arttyryp, olardyń quqyqtyq saýattaryn arttyrýǵa baǵyttalǵan ıgi is. Búgingi shara osy baǵyttaǵy jumystardyń alǵashqysy. Osyǵan qaraı shara barysynda dáristi Astana qalasynyń Densaýlyq saqtaýdy damytý respýblıkalyq ortalyǵynyń Ǵylymı baǵdarlamalar saraptamalyq ortalyǵynyń ǵylymı qyzmetkeri Alıma Almadıeva oqýda.
