Qazaqstannyń Azamattyq alıansy saılaýdyń zań talaptaryna saı ótkenin málimdedi
ASTANA. 5 sáýir. QazAqparat /Qanat Mámetqazyuly/ - 3 sáýirde ótken QR Prezıdentiniń kezekten tys saılaýy qoldanystaǵy zańnama talaptaryna saı ótti.
Búgin Qazaqstannyń Azamattyq alıansy osyndaı málimdeme jasady.
«Nur Otan» HDP Ortalyq apparatynda ótken baspasóz máslıhatynda Alıans basshylary «Qazaqstan-2020» Jalpyulttyq demokratııalyq kúshter koalıtsııasy quramyna kiretin úkimettik emes uıymdardyń saılaý úderisine belsendi túrde qatysqanyn atap ótti. Bundaı úkimettik emes uıymdar ókilderi saılaý barysynda áleýmettik zertteýler jasap, ekzıt-poldar uıymdastyrǵan, saılaý barysyn baıqaýshy mindetin de atqarǵan. «Biz asqan senimdilikpen Qazaqstan Respýblıkasy Prezıdentiniń kezekten tys saılaýy elimizdiń «Saılaý týraly» zańnamasyna sáıkes ótti dep málimdeımiz. Saılaý barysy esh zań buzýshylyqsyz ótti jáne bul úderis jalpy moıyndalǵan halyqaralyq standarttarǵa tolyǵymen sáıkes keledi. Bunyń ózi bizdiń elimizdiń demokratııalyq damý jolynyń kepili bolatynyn bildiredi», - dedi Májilis depýtaty, Azamattyq alıans úılestirý keńesiniń tóraıymy Aıgýl Soloveva.
