Qazaqstannyń aıtýly oqıǵalaryna arnalǵan alǵashqy komıks-basylymnyń tusaýkeseri ótti

Qazaqstan tarıhyn oqyrmandar úshin úırenshikti emes komıks formatynda qaıta basyp shyǵarýdyń bastamashysy «BAURZHAN foundation» qaıyrymdylyq qory.
Jańa basylymnyń biregeıligi-2021 jyly Qazaqstanda ótken «Tarıhym-búginim, erteńim» atty sýretshi-ıllıýstratorlar arasyndaǵy baıqaý jeńimpazdarynyń zamanaýı týyndylaryna negizdelgen.
Kitaptyń orys jáne qazaq tilderindegi lımıttelgen basylymy elimizdiń barlyq mektepteri men kitaphanalarynda qoljetimdi bolady.

Qazaqstan tarıhy týraly kitaptyń jańa formatyna barlyǵy 70 úzdik ıllıýstratsııa engizildi, ol jerde oqyrmanǵa el úshin mańyzdy mádenı, sporttyq jáne saıası oqıǵalar týraly baıandalady.
Osylaısha, jańa komıkstiń keıipkerleri ulttyq valıýta, Qazaqstannyń Olımpıada oıyndaryndaǵy jetistigi, álemdik arenada tanylǵan otandyq ártister men sportshylar. Olardyń ishinde Gennadıı Golovkın, Dımash Qudaıbergen bar.

«Komıkster mańyzdy taqyryptarda sóıleı alady jáne onyń dáleli Qazaqstan tarıhynyń jańa ıllıýstratsııalanǵan formatta oqyrmanǵa jol tartýy. Bul janrdyń jas býyn arasynda úlken aýdıtorııasy bar jáne jyl saıyn olardyń qatary artyp keledi. Jobanyń maqsaty tek aǵartýshylyq qyzmet qana emes, birinshi kezekte -qazaqstandyq jas sýretshi-ıllıýstratorlardy qoldap, olardyń shyǵarmashylyǵyn jetkizý», - dedi qordyń jobalar úılestirýshisi Saıda Ibragımova.

Kitaptyń barlyq 5 myń danasy Qazaqstannyń kitaphanalaryna, balalar úılerine, jalpy bilim beretin mektepterine tegin taratylady.