Qazaqstannyń aımaqtyq Azamattyq Alıans kóshbasshylary Qostanaıda bas qosty

QOSTANAI. QazAqparat - QR Aqparat jáne qoǵamdyq damý mınıstrligi Qostanaı qalasynda Qazaqstannyń barlyq aımaqtarynan kelgen Azamattyq alıanstardyń qatysýymen ótken úkimettik emes sektordy damytýdyń problemalary men perspektıvalaryn talqylaýǵa qatysty, dep habarlaıdy QazAqparat vedomstvonyń baspasóz qyzmetine silteme jasap.

Іs-sharany Qazaqstannyń Azamattyq Alıansy uıymdastyrdy.
Kezdesý barysynda Qazaqstannyń Azamattyq Alıansynyń prezıdenti Baný Nurǵazıeva barlyq problemalyq suraqtardy óńirler ákimderiniń orynbasarlarynyń esepterin tyńdaı otyryp, ÚEU-men ózara is-qımyl jónindegi úılestirý keńesiniń talqylaýyna shyǵarýdy usyndy. Sondaı-aq, ol talqylanǵan máselelerdiń sheshimi Qazaqstan Táýelsizdiginiń 30 jyldyǵy aıasynda ótkizilýi josparlanǵan Qazaqstannyń X Azamattyq forýmy aıasynda qaralatynyn atap ótti.
Óz kezeginde, QR AQDM Azamattyq qoǵam isteri komıteti tóraǵasynyń orynbasary Gúlbara Sultanova Mınıstrliktiń qoǵamdyq baqylaý, qaıyrymdylyq jáne volonterlik qyzmet, granttyq saıasat tetikterin jetildirý jáne t. b. salalardaǵy zańnamalyq bastamalary boıynsha júrgizip jatqan jumysy týraly aıtyp berdi.
Qazaqstannyń Azamattyq Alıansy kóshbasshylary óńirlerdegi problemalyq máselelerdi belgiledi: memlekettik organdardyń ÚEU-men ózara is-qımylynyń jetkiliksiz deńgeıi, jurtshylyq pen ÚEU pikirin eskermeı memlekettik áleýmettik tapsyrys taqyrybyn qalyptastyrý, «ámbebap» jarǵylary bar basqa óńirlerden ÚEU memlekettik áleýmettik tapsyrysyna qatysý jáne t. b.

Aıta keteıik, is-shara 10 jyl buryn Qostanaı oblysynyń Azamattyq Alıansyna senimgerlik basqarýǵa berilgen ÚEU Oblystyq úıinde ótti.