Qazaqstannyń áıelder uıymdary alıansy Elbasyn saılaýdaǵy jeńisimen quttyqtady
ASTANA. 7 sáýir. QazAqparat /Arman Asqarov/ - Búgin Astanada arnaıy baspasóz máslıhatyn ótkizgen «Qazaqstannyń áıelder uıymdary alıansy» zańdy tulǵalar birlestigi Nursultan Nazarbaevty prezıdenttik saılaýdaǵy jeńisimen quttyqtady.
Uıym tóraıymy Raýshan Sársembaeva atap kórsetkendeı, sáýirdiń 3 kúni ótken QR Prezıdentiniń kezekten tys saılaýy elimizdiń demokratııalyq damý úderisin kúsheıtip, halyqtyń bostandyq, teńdik pen ádildik úshin daýys bergendigin aıqyn kórsetti. «Biz, Qazaqstannyń áıelder qaýymdastyǵy, elimizdiń osy jetistigine qýanamyz. Qazaqstannyń áıelderqaýymdastyǵy Elbasy Nursultan Nazarbaety saılaýdaǵy jeńisimen quttyqtaı otyryp, aldaǵy ýaqytta barshamyzdyń ult kóshbasshysy atanǵan onyń bastamasymen budan da joǵary jetistikterge jetetindigimizge senim bildiredi», - dedi R.Sársembaeva.
