Qazaqstannyń áıelder quramasy ındorhokkeıden Álem chempıonatyna qatysatyn boldy
QYZYLORDA. QazAqparat - Katar elinde ındorhokkeıden ótken Azııa kýbogynda jerlesterimiz altyn júldeni ıelenip, kelesi jyly Germanııada bolatyn Álem chempıonatyna joldamany jeńip aldy, dep habarlady QazAqparat HAA tilshisi oblystyq dene shynyqtyrý jáne sport basqarmasyna silteme jasap.
Qazaqstan qurama komanda sapynda Qyzylorda oblysynan Áıgerim Mahanova, Alısa Chepkasova, Qarlyǵash Bolǵanbaeva jáne Gýzal Bahabaddınder óner kórsetti.
«Byltyrǵy jyly jerlesterimiz Almaty oblysynda ótken Azııa kýbogynda 2-oryndy ıelengen bolatyn. Sondaı-aq, Qyzylorda oblysynyń áıelder men erler komandasy 2016 jylǵy Qazaqstan Respýblıkasy chempıonatynyń kúmis júldegeri atanǵan edi», - delingen baspasóz baıanynda.
Aıta keterligi bıylǵy jyldyń maýsym aıynda Taraz qalasynda ındorhokkeıden erler men áıelder arasyndaǵy Qazaqstan Respýblıkasynyń kýbogy ótedi. Qyzylordalyq hokkeıshiler osy dodaǵa daıyndyq ústinde.
