Qazaqstannyń áıelder komandasy estafetadan Azııa chempıonatynda kúmis medal aldy
NUR-SULTAN. QazAqparat - Katar astanasy Dohada ótip jatqan jeńil atletıkadan Azııa chempıonatynda áıelder arasyndaǵy estafeta aıaqtaldy dep habarlaıdy Olympic.kz.
Qazaqstan komandasy atalǵan synda kúmis júldeger atandy. El namysyn Elına Mıhına, Olga Safronova, Svetlana Golendova men Rıma Kashafýtdınova qorǵaǵan bolatyn. Bizdiń komanda 400 metrdi 43.36 sekýndta júgirip ótti.
Qyzdar arasyndaǵy estafetada Qytaı quramasy jeńiske jetti.
Sondaı-aq, estafetashylardyń izin ala Nadejda Dýbovıtskaıa bıiktikke sekirýden ekinshi oryndy ıelendi. Ol 1.88 metrdi baǵyndyryp, ózbekstandyq atletke jol berdi.
Aıta ketelik, Olga Safronova 100 metrge júgirýden Azııanyń altyn medalin taqty. Elına Mıhına (400 metr) kúmis, Mıhaıl Lıtvın (400 metr), Margarıta Mýkasheva (800 metr), Ivan Ivanov (ıadro laqtyrý) júldegerler qatarynda.
