Qazaqstannyń avtojoldary kóktemgi sý tasqynyna ázirlenýde
ASTANA. QazAqparat - «QazAvtoJol» UK» aktsıonerlik qoǵamy «Qazaqavtojol» JShS-nyń fılıaldarymen jáne merdiger uıymdarmen birlesip, kóktemgi sý tasqyny kezinde Qazaqstan joldarynyń buzylýyn aldyn alýǵa baǵyttalǵan sharalar josparyn bekitti. Bul týraly vedomstvonyń baspasóz qyzmetinen málim etti, dep habarlaıdy QazAqparat.
«Atap aıtqanda, avtojoldar men jasandy nysandarǵa zertteý júrgizilip, olardyń nátıjesi boıynsha shaıylyp ketý qaýpi bar ýchaskeler anyqtaldy. Olardy aldyn alý sharalary belgilendi», - delingen habarlamada.
Jol qyzmetkerleriniń erekshe nazaryna 496 qaýipti jer alyndy. Olardyń ishinde 345 shaqyrym jol, 936 sý ótkizý qubyry, 94 kópir, 9 plotına (altaýy - Qaraǵandy, ekeýi - Shyǵys Qazaqstan jáne bireýi Aqmola oblystarynda) bar.
