Qazaqstannyń avtomobıl ónerkásibi jazǵa deıin 16 myń jeńil avto shyǵarmaq
ALMATY. QazAqparat - Qazaqstannyń avtomobıl ónerkásibi jazǵa deıin 16 myńǵa jýyq jeńil avto shyǵardy. Bul byltyrǵy kórsetkishten 42% kóp.
Ranking portalynyń málimetinshe, 2019 jyldyń qańtar-mamyr aılarynda jalpy somasy 114,7 mlrd teńge bolatyn avtokólik quraldary, treılerler jáne jartylaı tirkemeler shyǵarylǵan. Aıta keteıik, byltyr bul kórsetkish 71,5 mlrd teńgeni quraǵan edi.
Jalpy 2019 jyldyń qańtar-mamyr aılarynda 16,9 myń avtokólik shyǵarylǵan. Sonyń 15,7 myńy - jeńil avtomobıl. Budan bólek 404 avtobýs, 495 júk kóligi, 270 tirkeme jáne 19 arnaýly tehnıka bar.
Qazaqstanda jasalǵan avtokólikterdiń 94%-y eki oblystyń úlesine týra keledi. Qostanaı oblysy («SaryarqaAvtoÓnerkásip» zaýyty osynda ornalasqan) bir jylda óndiris qýatyn 2,1 ese arttyryp, 65,5 mlrd teńgeniń, al ShQO («AzııaAvto», «SemAZ» jáne Daewoo Bus Kazakhstan) jyldyq ósimin 32,9%-ǵa jetkizip, 50,8 mlrd teńgeniń ónimin bergen.
Avtomobıl shyǵaratyn zaýyttardyń arasynda «AzııaAvto» AQ kósh basynda keledi. Ol bir jylda óndiris qýatyn 20% arttyryp, 8,5 myń avto shyǵarǵan. Onyń izin ala «SaryarqaAvtoÓnerkásip» JShS keledi. Qostanaıdaǵy zaýyt 7,5 avto shyǵarǵan (jyldyq ósim - 80%).
Eske sala keteıik, «AzııaAvto» AQ men «SaryarqaAvtoÓnerkásip» JShS negizinen jeńil avtomobılder shyǵarady.
